Lëvizja e guximshme e Pacollit: Mbyllja e deponisë ilegale në Zveçan

Ministrja në detyrë e Mjedisit, Fitore Pacolli, ka njoftuar se institucionet do të ndërhyjnë për mbylljen dhe rehabilitimin e një deponie ilegale të mbeturinave në Zveçan.

Pacolli ka thënë se, bashkë me kryeshefin e KMDK-së, Dardan Velija, ka vizituar deponinë ilegale, e cila, sipas saj, ndër vite është përballur me djegie të përsëritura dhe grumbullim të pakontrolluar të mbeturinave, duke u shndërruar në burim të ndotjes dhe rrezikut për shëndetin e banorëve.

Ajo ka theksuar se banorët e kësaj zone dhe shoqëria civile nga komuniteti serb kanë ngritur vazhdimisht shqetësime lidhur me gjendjen e deponisë dhe kanë kërkuar ndërhyrje institucionale.