Prishtina zgjeron kamerat e sigurisë në 40 vende të reja: Çfarë fshihet pas këtij veprimi?

Prishtina nis fazën e dytë të vendosjes së kamerave të sigurisë. Në së paku 40 lokacione të reja do të vendosen kamera, përfshirë edhe parqet e qytetit, ndërsa do të ketë edhe dy radarë mobilë. Aktualisht, në 55 lokacione janë 165 kamera, përmes të cilave nga janari deri në korrik janë shqiptuar rreth 4 mijë gjoba.

Kryeqyteti ka nisur fazën e dytë të vendosjes së kamerave të sigurisë. Në bashkëpunim me Policinë e Kosovës, kamerat pritet të vendosen në së paku 40 lokacione të reja, ndërsa do të vendosen edhe dy radarë mobil.

“Fillimisht kemi fillu me qender, tash do të fillojmë të zgjerohemi, do ti ikim sa më shumë qendres dhe do të dalim edhe në pjesë tjera të qytetit fazën e dytë është se do të vendosen kamerat në parkun e Germisë, dhe në parqe të tjera”, theksoi Lulzim Fushtica, drejtor për siguri dhe emergjenca në komunën e Prishtinës.