Catherine Ashton zbulon detaje të panjohura mbi dialogët Kosovë-Serbi

# Ashton: Dialogu Kosovë-Serbi kërkon guxim, lidership dhe vizion për të ardhmen

Ish-përfaqësuesja e Lartë e Bashkimit Evropian për Politikë të Jashtme dhe Siguri, Catherine Ashton, ka folur në Prishtinë për procesin e dialogut ndërmjet Kosovës dhe Serbisë, duke ndarë përvojat e saj nga periudha kur ajo ishte ndërmjetësuese e këtij procesi.

Gjatë një konference të organizuar nga Grupi për Ballkan me temën “Dialogu me Serbinë: Mësime nga e kaluara për të ardhmen e procesit”, Ashton ka vlerësuar se përpjekjet e Bashkimit Evropian për normalizimin e marrëdhënieve ndërmjet Kosovës dhe Serbisë vazhdojnë sepse ndërmjetësuesit besojnë në rëndësinë e këtij procesi.