Fjalët e Fuqishme të Albin Kurtit: Asnjë Kriminel Nuk do të Shpëtojë nga Drejtësia

Kryeministri në detyrë, Albin Kurti, ka bërë homazhe te lapidari në vendin e rënies së Heroit të Kosovës, Enver Zymeri, në Varagë të Zubin Potokut, në 15-vjetorin e rënies së tij heroike.

I shoqëruar nga ministri në detyrë i Punëve të Brendshme, Xhelal Sveçla, Kurti tha se Enver Zymeri dhe policët e tjerë të rënë në detyrë duhet të jenë shembull për të gjithë zyrtarët shtetërorë.

“Është një obligim i yni, që t’i marrim këta si shembull të gjithë ne që jemi zyrtarë shtetërorë, për nga sakrifica edhe vetëmohimi. Sot gjendja këtu në veriun e Kosovës është krejtësisht ndryshe, pikërisht duke iu falënderuar Enver Zymerit, Afrim Bunjakut dhe të gjithë kolegëve të tyre, të cilët vendosën sundim të ligjit, paqe, siguri për të gjithë pa dallim”, tha Kurti.