Kthesë tragjike: Fëmija nga aksidenti me trotinet elektrik në Gjilan, humbje e dhimbshme

09:10 | 21 Qershor 2026

Një fëmijë ka ndërruar jetë në Qendrën Klinike dhe Universitare të Kosovës (QKUK), pasi që i njëjti ishte duke u trajtuar që nga 8 qershori, kur ishte vetaksidentuar me trotinet elektrik.

Sipas raportit ditor të Policisë së Kosovës, fëmija më 8 qershor kishte marrë lëndime të rënda pasi që ishte rrëzuar nga trotineti elektrik dhe që nga ajo kohë ishte duke u trajtuar në QKUK.

“Me urdhër të prokurorit trupi i pa jetë u është dorëzuar familjarëve”, thuhet në raportin ditor të Policisë.

“VET AKSIDENT TRAFIKU ME FATALITET Rr. Pajazit Nushi, Gjilan 08.06.2026 – 13:10. Me 20.06.2026 është raportuar se viktima mashkull kosovar-fëmijë, i cili ishte i lënduar rëndë pasi ishte rrëzuar nga trotineti elektrik, sot kishte ndërruar jetë në QKUK. Me urdhër të prokurorit trupi i pa jetë u është dorëzuar familjarëve.”, thuhet në raportin e policisë./Arbresh.info